Flogið til Búkarest höfuðborgar Rúmeníu, þar er staðartími á sumrin ísl. tími + 3 klst. (UTC + 3). Á fugvellinum við Búkarest tekur rúmenskur leiðsögumaður á móti hópnm og farið er til Predeal. Um kvöldið snæddur hátíðarmálsverður með vínsmökkun í veitingahúsinu “Cabana Trei Brazi”.

Eftir morgunverð er ekið til Bran kastala í ævintýralegu umhverfi. Þar var aðsetur Maríu drottningar Rúmena á millistríðsárunum, en nú er þar safn. Síðan er haldið til borgarinnar Brasov og miðbærinn skoðaður: Svarta kirkjan, borgarmúrar frá miðöldum og íveruhús og byggingar í miðaldastíl.

Árdegis er haldið til vesturs þar til kemur að Fagaras kastala sem Drakúla greifi hertók á 15. öld. Þaðan er ekið í gegnum Agnita til Medias og víggirt kirkja skoðuð. Helsta kennileiti borgarinnar er Trompet­turninn, þar sem Ungverjakonungur vistaði rúmenska prinsinn Vlad Tepes í dýflissu.

Í dag kynnum við okkur menningu og sögu Transilvaníu-saxa. Eftir morgunverð ökum við til Biertan, þar sem við skoðum stærstu víggirtu kirkjuna. Þá er haldið til Sighisoara, fegursta og best varðveitta kastalavirkis í Austur-Evrópu. Hér má líta augum Kirkjuna á hólnum, húsið þar sem Drakúla greifi fæddist, og Kirkju sællar Maríu. Síðdegis er ekið í hestvögnum frá Bazna til víggirtu kirkjunnar Boian.

Árdegis er farin skoðunarferð um gamla bæinn í Sibiu, sem er í raun fornminjasafn undir beru lofti. Nefna má byggingarnar við Stóratorg og Litlatorg, Bruckenthal höllina og Lygarabrúna sem dæmi um fjölskrúðuga safngripi Sibiu. Í Evangelísku kirkjunni má sjá bautastein sonar Drakúlu, er nefndur var Mihnea illi. Um kvöldið skoðum við safn málaðra glerhelgimynda frá Sibiel, og loks er boðið til hátíðar­kvöldverðar hjá Siebelbændum.

Við skoðum miðbæinn í Sibiu, Stóra- og Litatorg, Bruckenthal höll og Lygarabrú en þetta eru einungis nokkrar minjar sem gera Sibiu að ævintýrabæ og safni undir berum himni. Í kirkjunni er grafsteinn sonar Drakúla, Mihnea hins illa. Um kvöldið er heimsókn í gleríkonasafnið í Sibiel (íkon – kristileg helgimynd) og síðan hátíðarkvöldverður hjá bændunum þarna upp í Karpatafjöllum.

Í dag ökum við um Walachia dalinn mikla sem áin Olt hefur markað í fjallgarðinn, þar til við komum að Cozia klaustrinu. Skoðum klaustrið sem var byggt á 14. öld, einar merkustu menjar um miðaldalist og húsagerð í Rúmeníu. Síðan virðum við fyrir okkur rústir Poenari kastala, sem Drakúla prins átti. Komið til Búkarest síðdegis. Boðið til hátíðarkvöldverðar með þjóðlegri skemmtun í veitinga­húsinu Pescarus.

Eftir morgunverð ekið til Snagov þar sem gamalt klaustur er að finna, og farið í bátsferð á stöðuvatni. Hér í Snagov klaustri er gröf Drakúlu prins til sýnis, svo og klausturrústirnar.

Árdegis er frjáls tími í Búkarest, síðan er ekið út á flugvöll, leiðsögumaður kvaddur og flogið til Amsterdam og síðan áfram til Íslands. Lending í KEF um kvöld að okkar tíma.