Flug frá Íslandi, mæting í Leifsstöð - KEF a.m.k. 2,5 klst. fyrir brottför, síðan flogið áleiðis til Laos í SA-Asíu, með millilendingu í Evrópu
(nákvæmar flugupplýsingar og rafmiðar (e-tickets) verða send farþegum í tölvupósti (þægilegir flugtímar, stefnt er á dep. KEF ca. kl. 11)).

Máltíðir: Veitingar í flugi
Gisting á flugi

Komið til Bangkok, höfuðborgar Thailands um hádegi að staðartíma (UTC "ísl. tími" + 7 h) og síðar um daginn flogið til Vientaine, höfuðborgar Laos. Sabædí! (á máli heimamanna). Velkomin til Laos – lands milljón fíla! Staðarleiðsögumaður tekur á móti okkur og farið í kvöldmat. Innskráning á hótel í miðborginni ("boutique hotel" í nýlendustíl) frjáls tími, hægt að rölta um og kynnast staðháttum í rólegu og öruggu umhverfi.

Máltíðir: Kvöldverður
Gisting: Hótel í Vientaine Salana Boutique hotel type: Superior

Menn ná nýjum staðháttum og tímabelti, eftir góða hvíld hóteli skoðum við Vientiane, höfuðborg alþýðulýðveldisins Laos. Byggingar frá nýlendutímanum eru áberandi og glæsileg búddahof, Sem Si Saket og Ho Phra Keo eru vel þess virði að skoða. Ef tíminn leyfir heimsækjum við Patouxai, minnisvarðann, tileinkaðan sigrum Lao þjóðarinnar, laosk útgáfa af Sigurboganum í París. Vientiane státar af ríkri blöndu af menningu og straumum, með franska nýlendutímanum kom evrópskur arkitektúr og síðar sovésk áhrif, þetta er í bland við stórkostleg musteri Búdda. Sisaket hofið var ósnortið eftir Innrás Síamverja (Tælendinga) árið 1828. Innveggir klaustursins eru þaktir veggskotum sem innihalda yfir 2.000 silfur-og keramik Búdda myndir, einnig merka gripi Khmer þjóðarinnar (Kambódíumenn). Við ljúkum dagsferðinni meðfram bökkum Mekong árinnar þegar sólin byrjar að setjast. Hægt að rölta meðfram ánni, stoppa til að fá þér kaldan drykk eða smakka snarl úr einum af mörgum sölubása. Um kvöldið verður laosk grillveisla haldin hópnum á kyrrlátum stað.

Máltíðir: Morgunverður, kvöldverður
Gisting: Hótel í Vientiane Salana Boutique hotel type: Superior

Njótið morgunmatar á hótelinu og eyðið tíma til að kanna Vientiane áður er farið er í hraðlest í norðurátt til Luang Prabang (um tvær klukkustundir). Þetta er einn vinsælasti áfangastaður í Laos, margt merkra gripa á miklum minjagripamarkaði, hægt er að skoða borgina, fara á kaffihús / krá, njóta frítíma eða að fara upp á Phousi fjall og sjá þaðan hið rómantíska sólsetur sem er um kl. 18.

Máltíðir: Morgunverður.
Gisting: Hótel í Luang Prabang My ban Lao hotel type: Courtyard Suite

Rísið árla úr rekkju, þá gefst kostur á verða vitni að aldagamalli athöfn „Tak Bat“, þegar munkum er gefin ölmusa. Þegar sólin byrjar að rísa upp á himinhvolfið fara langar raðir af munkum í appelsínugulum skykkjum að streyma út úr pagóðum sínum, þeir ganga berfættir um götur og taka við ölmusugjöfum bæjarbúa. Gefi menn munki matarbita fremja þeir “het bon,” góðverk sem kemur til góða í næsta lífi. Þetta ber vott um göfugt hugarfar Laosbúa. Eftir ölmusugjafir er snæddur morgunverður, síðan farið í þjóðgarðinn við glæsifossinn Kuang Si. Gengið er um frumskógalandslag að Kuang Si bjarnahjálpinni, en hún hefur bjargað fjölda bjarna undan veiðiþjófum og meðalabruggurum og þið fræðist um þá starfsemi. Síðan er gengið að sjálfum fossinum, þar sem 60 m fossflaumurinn steypist niður í fjölda túrkisgrænna hylja. Hugrakkir og stæltir geta fengið sér sundsprett! Þá verður snætt snarl í kyrrlátum lautum þjóðgarðsins. Síðan er haldið til baka til bæjarins að hvílast eða kanna aðstæður upp á eigin spýtur.

Máltíðir: Morgunverður, matur úti í náttúrunni
Gisting: Hótel í Luang Prabang My ban Lao hotel type: Courtyard Suite

Í dag könnum við Luang Prabang fótgangandi (eða á hjóli) förum á markaði og í búðir, svo sem morgunmarkaðinn þar sem allt mögulegt matarkyns má fá, áhugaverð menning og framandi „exotic“. Njótið kaffisopa á Lao kaffihúsinu fræga við Mekong á og hægt að skoða hrísnúðlugerð í Kaw Chi bakaríinu. Þegar líður á kvöld er tilvalið að snæða austurlenskan götumat (oriental street food) og kanna úrvalið. Að lokum er við hæfi að setjast niður á bökkum Mekong fljóts við grill kræsingar (BBQ) og njóta náttúrunnar og einstaks umhverfisins.

Máltíðir: Morgunverður, hádegisverður, kvöldverður
Gisting: Hótel í Luang Prabang My ban Lao hotel type: Courtyard Suite

Árdegis er frjáls tími til hvíldar eða eigin athafna. Fljótlega eftir hádegi er haldið frá Luang Prabang til Vientiane með hraðlest (ekur á 160 km/h, ferðin tekur ríflega 2 klst.). Við komu þangað er haldið beint á flugstöðina til að ná síðdegisfluginu til Yangon í Myanmar. Velkomin til Myanmar, landið hefur nýlega verið opnað ferðamönnun eftir 60 ára einangrun og fagnar því að menn komi að kynna sér einstæðar hefðir og menningu. Á flugstöðinni í Yangon tekur leiðsögumaður heimamanna og bílstjóri á móti okkur. Haldið er til hótels í miðborg Yangon, innritast og gengið til hvílu.

Máltíðir: Morgunverður
Gisting: Hótel í Yangon Wyndham Grand Yangon type: Superior

Eftir morgunverð er haldið frá Yangon til Bagan. Þar er urmull af fornum búddahofum, sumir segja 2000. Helst eru Ananda hofið, Shwezigon pagóðan, Nanpaya hofið og Thatbinnyu. Síðdegis skoðum við lakkvöruverkstæði þar sem við getum prófað eigin snilld, smíðað og tekið með okkur dýrgripi gegn vægu verði. Áður en sól hnígur til viðar höldum við á útsýnisstað og virðum fyrir okkur sólarlagið leika við musterin. Við höfum þá boðið Bagan góða nótt.

Máltíðir: Morgunverður
Gisting: Hótel í Bagan Aureum Palace hotel Bagan type: Garden View Villa

Við byrjum skoðunarferðina með heimsókn á hinn litríka Nyaung U markað sem er ekta bændamarkaður. Næst er framandi hestakerruferð um hið forna land dæmigerðra búrma þorpa. Við höldum áfram ferðinni til Mount Popa, útdauðs eldfjalls, 1518 m hás. Þar er tilbeiðslumiðstöð búrmískra “Nat" anda. Hægt er að klifra 829 tröppur til að komast að hinu virta Popa Taungkalat klaustri sem situr tignarlega á stórum grýttum klettum. Ævintýragjarn er verðlaunaður með veglegu útsýni yfir Popa þjóðgarðinn. Eftir hádegi er keyrt aftur til Bagan og stoppað á leiðinni á verkstæði sem býr til hefðbundin pálmasykur, vindla og jarðhnetuolíu. Í lok dags er ógleymanlegt sólsetur séð frá bát á Irrawaddy á.

Máltíðir: Morgunverður
Gisting: Hótel í Bagan Aureum Palace hotel Bagan type: Garden View Villa

Í dag farið þið í stutta flugferð til Heho, akið síðan með fjölskrúðugum fjallshlíðum til Nyang Shwe bæjar, þaðan er farið að Inle vatni. Á leiðinni er komið við í Shwe Yan Pyay klaustri, þar eru fagurlega skreyttir tréveggir og safn af búddamyndum.
Þegar komið er að ströndinni er stigið um borð í vélbát og haldið út á Inle vatn, stöðuvatn sem er eitt sérkennilegasta fyrirbæri í Myanmar. Þorp eru byggð út í vatnið á stultum, þar býr Intha fólkið. Fiskimennirnir gera sér fljótandi matjurtagarða sem standa á vatnsbotninum á bambusstöngum. Skoðið Phaung Daw Oo pagóðuna, helsta helgidóm vatnsins, þar má sjá fimm helgar búddamyndir í laufi úr gulli. Að svo búnu, eftir viðburðarríkan dag, er tímabært að fara heim á hótel og ganga til náða.

Máltíðir: Morgunverður, hádegismatur
Gisting: Hótel við Inle vatn Aureum Resort & Spa type: Lotus Villa

Í dag er farið á „fimm daga markaðinn“ sem haldinn er við mismunandi þorp við vatnið. Þar gefst kostur á að sjá prúðbúna þorpsbúa í litskrúðugum þjoðbúningum sínum og njóta um leið markaðsandrúmsins. Siglt er að fögru Indein hofinu á hæð sem skagar upp úr vatninu. Þar má ganga um rangala innan um risasúlur sem staðið hafa óstuddar um aldir. Síðan er siglt um vatnið þar til lagt er að bryggju. Þá er haldið til Heho flugstöðvar til að taka flugið til Yangon. Eftir lenidngu og farangursheimt tekur leiðsögumaður á móti okkur og fylgir á hótel til innritunar, hvíld þar og frjáls tími.

Máltíðir: Morgunverður, hádegisverður
Gisting: Hótel í Yangon Wyndham Grand Yangon type: Superior

Nú er ekið um 5 klukkustundir eftir ævintýralegum vegi til einstaks baðstrandarsvæðis við Ngwe Saung, Þegar komið er á leiðarenda komum við okkur fyrir í baðstrandaríbúðum og slökum á. Síðdegis er tilvalið að njóta baðstrandarlifsins, láta sólina baka sig, busla í sjónum eða róa á kajak. Eftir sólarlag smakka kvöldverð úr sjávaréttum og njóta lífsins áfram.

Máltíðir: Morgunverður
Gisting: Hótel í Ngwe Saung Aureum Resort & Spa type: Ocean Breeze

Njótið lífsins á hvítum sandinum, baðið ykkur í volgri sólinni eða turkishbláum unaðslegum sjónum. Ýmis íþróttaiðkun og skoðunarferðir í boði, margt veitingahúsa þar sem hægt er að njóta austurlenskrar matargerðarlistar við rómantískan sjávarniðinn.
Möguleikar í Ngwe Saung:
* Heimsækja Eyju elskendanna sem er aðgengileg á fjöru (við lágt sjavarborð) þessi litla klettaeyja býður upp á töfrandi útsýni og rómantískt umhverfi.
* Bátsferð til Fuglaeyju, tilvalið til gönguferða, njóta víðáttumikils sjávarútsýnis og köfun í tæru vatni
* Heimsæktu Tvíburapagóðuna
* Bátsferð, felur í sér "snorkl" köfun, veiði, sund og dýrindis staðbundin hádegismat um borð
* Hjólaferð í sjávarþorp
* Dekraðu við þig á heilsulind hótelsins, nudd og fl. – fullkomin leið til að slaka á og hlaða.

Máltíðir: Morgunverður
Gisting: Hótel í Ngwe Saung Aureum Resort & Spa type: Ocean Breeze

Hins ljúfa veðurs notið (góð hvíld frá íslenska slabbinu), njótið áfram baðstrandarllífsins við Ngwe Saung eða skoðið ykkur um.

Máltíðir: Morgunverður
Gisting: Hótel í Ngwe Saung Aureum Resort & Spa type: Ocean Breeze

Eftir morgunverð er ekið til Yangon flugstöðvar, aksturinn tekur um 5 klst., flug til Bangkok (RGN - BKK). Gisting í Bangkok.

Máltíðir: Morgunverður
Gisting: Hótel í Bangkok

Morgunmatur hóteli og flug BKK - KEF. Ferðalok, heimferð með góðar minningar og minjagripi. Verið þið sæl og góða ferð heim!

Mögulegt er að framlengja dvölina í Tælandi, gegn aukagjaldi; vinsamlega látið vita af því tímanlega.

Máltíðir: Morgunverður.